ياترا مين السبب

ف بداية الموضوع احب اقولكم ان موضوعى النهاردة

كتير اتكلموا فيه بطريقتهم ولكن تعالوا نتكلم عنه بطريقة مختلفة شوية

نخش بقه في الموضوع والي هوه بعنوان مين السبب في انتشار العادات السيئه وعلي رأسهم العاده السريه طبعا وديه هتبقه اساس الموضوع ده...

انا عملت الموضوع زي محكمة واحنا القضاه وعندنا 5 متهمين هنطلع علي اورقهم وبيانتهم وكلمهم وهنشوف مين فيهم السبب في الموضوع ده !!!!




انا قسمت الموضوع ل5 اجزاء رئيسيه هنتكلم علي كل جزئ بأيجاز وان شاء الله يكون واضح ومبسط والله المستعان.

هنحط 5 متهمين في القضيه ديه وهنشوف مين فيهم السبب في انتشار العاده السيئه ديه:

1-احنا السبب(الشباب يعني همه السبب ومفيش اي حد ليه اي دخل في الموضوع ده احنا السبب فيه)
2-البنات هما السبب في المشكله ديه
3-وسائل الاعلام (التلفاز والدش طبعا) والكمبيوتر والنت هما السبب
4-الحالة الاقتصاديه للبلد هيه السبب
5-عدم التوعيه الجيده والاهتمام بالابناء في البيت هوه السبب

هنشرح كل نقطة بنبزه سريعه كده والله المستعان.

طبعا القضاه دخلوا المحكمه وهتبدأ القضيه !!والقضيه ديه مفهاش محامين غيركوا انتوا والي يشوف اي متهم من دول بريء مستني رده ومدافعته عنه!!
سكووووت!!!


محكمااااااااااااااااااااااااااا!!!
نادي ياعم عبده علي المتهمين

المتهم الاول:

1-احنا السبب(الشباب يعني همه السبس ومفيش اي حد ليه اي دخل في الموضوع ده احنا السبب فيه):-


طبعا انا من وجهة نظري المتوااضعه جدا جدا ان النقطه ديه انا مكنش المفروض اكتبها لان مش الشباب همه السبب في الي همه فيه ده واحد هيقولي ياكابتن ازاي لا احنا برده مش طيبين يعني لا احنا بنعمل وبنعمل وبنعمل ولينا جزء في المشكله ديه وانا بتفق معاكوا الشباب فعلا ليهم جزء في المشكله ديه بس مش كبير يعني الشاب مش من نفسه كده هيقع في العاده السيئه ديه لوحده كده من لحاله او بعد البلوغ لالالا فيه دوافع كتير اوي اوي هيه الي ممكن انها تؤدي الشاب انه يقع في المحظور ده
وانا من رايي المتواضع ان الشباب بيشركوا في القضيه ديه بنسبة 10% بس لان على راي الحكمه الشهيره(مفيش نار من غير بنزين ) ولا ايه

نقره على هذا الشريط لعرض الصورة بالمقاس الحقيقي


المتهم التااااني !!!!!

2-البنات هما السبب في المشكله ديه :-
طبعا وبصراحه هنتكلم شوية جد بقه البنات الاربع سنين الي فاتوا بالزات اتغيروا بطريقه غريبه جدا جدا جدا يمكن بيتفننوا بشتا الطرق انهم يجزبوك ليهم والله بقت حاجه تجنن فعلا يمكن تلاقي المحجبه ممكن تلفت نظرك عن غيرها تفاانين غريبه في تزيين الوجه بالزات تلاقي الي محجبه ولبسه حشم (عبايات مثلا زي الي انتشرت ديه وملت الدنيا) تلاقيها محجبه وتمام التمام تعمل ايه عيزه انها تحاول تلفت انتبااهك ليه تروح مضيقه العبايه او الجلباب علي قد ما تقدر انته غصب عنك تحاول انك تلف عينك الشيطان يزينهالك بجميع الطرق الممكنه عينك تقع عليها ييجي الشيطان ويجيب مسمار 10 سنتي صلب ويبروز صورتها في وجداانك وتفضل تفتكرها طول النهار والليل الشهوه عندك تثار تعمل ايه عايز انك تتخلص من النار الي جواك ديه تروح واقع في العاده السريه علي شان تشبع رغبتك ويتكرر الموقف اكتر من مره وره بالهدوم والزينه ومره بالروائح الي نهى عنها الرسول الكريم عليه الصلاة والسلام(ما من امراه تعطرت فمرت علي قوما فوجود ريحها فهي زانيه زانيه زانيه او كما قال رسولنا الكريم) بس تقول لمين تيجي تتكلم الدنيا كلها تطلع فيك ولا حياة لمن تنادي

ويلا سلام بقه لمه تتعاكس ياه بتبقه في قمة سعادتها وتحس انها فعلا علي الطريق الصحيح ولو وحده مش بتتعكس(الا من رحم ربي طبعا) تقولك اكيد انا فيه حاجه غلط اما في الميك اب او في اللبس وتبدا تهتم اكتر باللبس الملفت للنظر والميك اب الصارخ جدا لغاية ما توصل للي هيه عوزاه وهوه شد انتباهك باي حاله من الحالات وانته يامسكين هتعمل ايه ولا ايه ولا ايه!!!!

انا بحمل المتهم التااني السبب بنسبة 40% من الي بيحصلنا ده والي مخالف او عنده احتجاج علي الي بيحصل يعارض او يعمل نقض ويقول رايه !!!

نقره على هذا الشريط لعرض الصورة بالمقاس الحقيقي


المتهم التااالت !!!!


3-وسائل الاعلام (التلفاز والدش طبعا) والكمبيوتر والنت هما السبب


طبعا ده متهم غني عن التعريف نمس الاول وسائل الاعلام في الفتره الاخيره انتشرت حكاية افلام السينما الي بتتكلم عن الجسن وطرقه بكل وضوح وجرئه بدون مقص رقاابه ولا اي حاجه وفين في التلفزيون يعني مش هنقول سينمات لات تلفزيون عادي قنوات فشائيه شهيره جدا بتجيب الافلام الي كانت في السنيمات من فترات قليله حاجه بجد مش عارف شرح مبسط للجنس العام ديه حاجه

الحاجه التاننيه السنيمات وما ادرك ما السنيمات وبالزات ااخر 4 سنين حاجه بقة مش ممكن مناظر فظيعه تخدش الحياء طيب بالله عليكم لمه بنت مثلا في سن 12 سنه يعني في بداية انتقالها من مرحله عمريه لمرحله تاانيه وفي سن البلوغ تحديدا لمه بتشوف مناظر زي ديه ايه الي بيحصل جواها؟؟؟

اكيد بدون شك بيتولد جواها رغبه انها ترف كل حاجه عن الموضوع ده بالتالي هبتدا تبحث عن كل معلومه للموضوع ده تيجي صحوبية الثانوي ومدرسة البنات الثانويه ووحده طبعا من البنات وده غالبا الي بيحصل يبقه عندها جرئه شويه تفضل تحكلها عن الحجات ديه والله هوه ده الي بيحصل انا مش بجيب كلام من عندنا
طيب البنت ديه سمعت بودنها وده مش كفايه هتضطر عيزه تشوف بعينها تبدأ انها تدور في كل فيلم وتركز علي اللقطات المثيره وبرده مش كفايه تيجي من موبايل صحبتها( ومش عارف بقت حاجه غريبه معظم البنات معاهم موبيلات بكاميرا ليه مش عارف تيجي تسأل الوالد ياحج جايبلها موبايل بكام ليه يقولك زيها زي زمايلها البنات بتبص لبعض ياعم الحج الموبايلات بقت مشكله كبيره وليها اضرا متكملش الكلمه وتلقيه بيقلك ياعم مكله شايل جت عليها) تيجي وتشوف مشهد من المشاهد الجنسيه علي اي موبايل تدمن الموضوع وتبقه متشوقه ليه برده مش كفايه تبتدي تدور علي شء يشبع رغبتها اكتر واكتر لغاية ما تعرف العاده السريه وبكده خلاص ..................

طيب ديه البنت ما تيجوا نبص علي الولد لو شاف المناظر ديه طبعا الولد مش لسه هيسال الصحاب السؤ اكتر من الحلوين ايه يانجم مالك اسكت اصلي شوفت مش عارف ايه طيب ما تعمل كده وكده وتشوف (انا بكلمكوا الكلام ده في سن مثلا للولد 14 او15 سنه ) وبرده يندرج لموضوع العاده السريه ويبقه صعب جدا انه يخلص منها

وبرده مش السنيمات بس هيه السبب ديه البرامج الي بتشرح العلاقات الجنسيه كمان يعني فيه برنامج للدكتوره الفااضله الجليله الي حرمت الختان للاءناث مش عارف ليه برنامج شهير اوي اسمه( لا عيب ولا حرام) علي ما اعتقد ده انا شوفته مره بتشرح علاقات جنسيه كاامله علي الشاشه وحجات انا مش عارف يعني طرق جماع وحجات كده يعني انا اتكسف جدا لو حد جنبي اني اسمعها ووهوه قاااعد ما بلكم ديه علي الهواء بيسمعاه الصغير قبل الكبير

بالله عليكم مش هنقول بنت هنقول ولد لو انا او انته او واحد صعب انه يتجوز بسبب ظروف دراسه ظروف ماليه اي حاجه تعوقه من الزواج وسمع كلام زي ده يعمل ايه (احنا اتعلمنا في الدراسه اي حاجه بناخدها نظري بندور ليها علي العملي وده في اي مجال) اكيد انته سمعت نظري عايز تتطبق عملي طيب هتطبق فين ؟؟؟؟ وانته صعب ليك التطبيق الشرعي ملكش الا طريقين الا من رحم ربي طبعا :
1- الزنا والعيازو بالله
2-العاده السريه (وطبعا الكلام مش لكله بس يعتبر للاغلبيه من الشباب بنسبة 90%)

وطبعا الكمبيوتر والنت والشااتنج انا مش هتكلم علي الموضوع ده لانه مش محتاج ولاااااااااااااا تلعيق والكل فااهم

انا بحمل المتهم ده في القضيه بنسبة 20% من القضيه ديه والي ليه اي مرافعه ياريت يكتبها!

نقره على هذا الشريط لعرض الصورة بالمقاس الحقيقي


المتهم الرااابع!!!

-الحالة الاقتصاديه للبلد هيه السبب:-

طبعا انا كلامي في النقطه ديه يعني مش خاص لكل البلاد يعني هيبقه بالتحديد خاص علي مصر بالاخص(طبعا في دول خليجيه يمكن اعلى مننا في الناحية الاقتصاديه وتعداد السكان ربنا يزدهم يارب) لمه نييجي نتكلم هنا في النقطه ديه نلاقي ان معظم الشباب بيتجوزا في سن متأخر اوي سعات بيوصل 35 واكتر من كده ومعظم الشباب اصحابي الي اعرفهم وصلوا لسن 30 سنه ولسه متجوزوش طيب من ايه ده؟؟؟

اقولك ان معظم الشباب دول للاسف الشديد مؤهلات عاليه بس المشكله ان كل واحد مش لاقي المكان الي هيشغله بالتخصص الي هوه فيه او مش لازم التخصص مكان يكون محترم يقدر يلاقي فيه وظيفة كويسه تعوضه عن التعب الي تعبه في التعليم علي شان ياخد مؤهل عالي
يمكن عندنا في بلدنا عكس كده بكتير تلاقي بكلريوس تجااره مثلا بيبيع جرايد(اهه كله تجاره) ااداب واقف في مطعم فول وطعميه تربيه من الناس الي بيطلعوا يمسحوا السلالم في العمارت فنون جميله هههههههههه بيبع لبن علي عربيه او سارح بحرنكش ولا فاتح عربية كبده ههههههههههههههه بزمتكم مش ده الي بيحصل هوه طبعا مش مع كله بس انا عن نفسي شايف امثله من ديه كتير اوي في حياتي والله ناس مش فشلين في دراستهم ولا حيتهم بالعكس بس هتقول ايه

طيب الشاب ده ملزوم بمصاريف نفسه في العيشه النار ديه وشراء شقه وتجهزها وعفش وشبكه وفرح هيجيب منين تيجي تسأله يابني انته مش ناوي تخطب يقولك سبها علي الله اقله ونعمه بالله يعني مش شايف حد متكلم عليه ولا حاجه يقولك اتكلم بنأن علي ايه ويقعد يرصلك قصيدة احزان من الي الكل عاارفها..

طيب شااب زي ده وصل لسن 30 سنه ولسه متجزش متقنعونييييش انه فضل الفتره ديه كلها من غير ما يفرغ الطاقه ديه بتبقه صعبه اوي اوي اوي برده لامه مشي في سكة من السكتين الي فاتوا وده اكيد يعني اما الزنا او العاده السريه..

وانا بحمل النقطه ديه بنسبة 20% انها السبب في الموضوع ده والي عنده نقض يقدمه

نقره على هذا الشريط لعرض الصورة بالمقاس الحقيقي


المتهم االخامس !!!

5-عدم التوعيه الجيده والاهتمام بالابناء في البيت هوه السبب:-


طيب النقطه ديه محدش بيتهيقلي بقه يحس بيها مع انها مهمه جدا جدا مبقاش حد يسال علي حد الولد حصل انه بلغ والده منصحوش يابني انته تعمل كزا والموضوع ده بيحصل عنه كزا ويفهمه كله منطنش

البنت حصل عندها الدوره الشهريه الام مش موجوده ومش فضيلها ولا تقولها الموضوع ده كزا وكزا وتوعيها (طبعا برده مش شامل علي كل البيوت فيه وفيه بس برده الاغلبيه مش فاضي لكلام العيال ده كله مشغول بطابور العيش والكوسه الي بقت ب3000جنيه)
طيب الولد ده يعمل ايه طبعا هيسال بره زميله ياخد المعلومه غلط في غلط ويبدأ يرشدوه علي العاده السريه الي المفروض الوالد كان ارشده ليها وفهمه ان الموضوع ده ممكن يقع فيه ويوعيه بس بالصح من الغلط وهوه يختار (طول ما وراه العيال الفساد دول هيختار الغلط طبعا ههههههههه)
كذلك الامر البنت هتسال اصحابها وهتاخد المعلومه غلط في غلط وهيبتدتي تفتيح مخها في حاجات مش وقتها خالص ويحصل زي ما كنت كتبين فوق بالظبط ....
والمتهم ده هوه السبب بنسبة 10% ومستني مرافعتكم علي القضيه ديه




طبعا فيه متهم اساسي وده المفروض انه يتحاكم محكمه شنيعه قبل المتهمين دول كلهم والي هوه احنا كلنا شباب وبنات كبار وصغار كله كله لاننا بكل بساطه بعدنا عن كتااب الله وسنة الرسول الكريم صلى الله عليه وسلم والي قالتركت فيكم ما ان تمسكتم به لن تضلوا بعدي ابداا كتاب الله وسنتي) واحنا للاسف الشديد ضيعنا كتاب الله وضيعنا السنه خالص ومشينا مع الغرب والموضه والحياه الجميله ونسينا خالص دينا وسنت نبينا الكريم

طبعا لازم نضل الطريق وننحرف ويظهر كل المشاكل ديه كله والحل اننا نراجع نفسنا ونحاول نمشي علي الطريق المستقيم تااني بالمتاابعه المستمره لكتاب الله وان نهتدي بنبيه المصطفى عليه الصلاة والسلام

واننا نحاول نحسن من نفسنا ومن طبعنا يعني نحاول اننا نسعى ديما في الخري لو موضوع العاده السريه تبك وضايق منه خلي الزواج من اهم الاهداف ايل عايز توصل ليها اسعى ليه بعمل بأجتهاد وان متأكد ان ربنا مش هيخزلك ابدا

حاول انك متنفردش ديما بنفسك في مكان مغلق وابعد الكمبيوتر ومتخليهوش في مكان منعزل
متخليش اي وقت فراغ العب اي رياضه تلهي بيها نفسك وتفرغ طاقتك
التزم بالصلاه في كل وقت ليها وادعي الله انه يعفك بالزواج وشباب المسلمين اجمعين



طبعا الموضوع طويل جدا جدا وانا اتكلمت فيه كتير بس اعمل ايه غصب عني انا بحب الناس ديه ياعم ومقدرش استغنى عنهم

وف الاخر بحب اوجه الشكر ليكم كلكم وع فكرة الموضوع منقول بس انا عدلت فيه كتير

واتمنى منكم المشاركة لانه موضوع هام جدا ومحتاج رايكم

فعلا الموضوع دا يستحق انو يتناقش وانا من رايي ان الاسباب الي ذكرتيها هيا المسببة لمثل هذه العادات السيئة واتمني من الله ان يهدي الجميع
تسلم الايادي ياقمر علي الموضوع الذي يستحق الشكر والتقدير

موضووووع راااااائع
ويستحق كل التقدير
وكل سبب من اللى انتى قلتيهم
وشرحتيهم بالطريقه الذيذة دى
مهمين جدااااااااااااا

للامام دائما